דברי הימים ב 5 Bible Images - דברי הימים ב Chapter 5 HEB Bible Verse Pictures

דברי הימים ב Chapter 5 HEB Bible Verse Images

דברי הימים ב 5 Bible Verse Pictures. Choose from a large collection of inspirational, motivational and encouraging Bible verses with pictures of nature. Download and share דברי הימים ב 5 inspirational Bible verse images. Bible verse pictures were created based on verses from The Holy Bible in Modern Hebrew (HEB). The Hebrew Bible translation is available in the Public Domain. The publication date and copyright details are not known. (תנ ך עברי מודרני)

« דברי הימים ב 4 (HEB)

דברי הימים ב 6 (HEB) »

דברי הימים ב 5:1 (HEB)
Square Portrait Landscape 4K UHD
ותשלם כל המלאכה אשר עשה שלמה לבית יהוה ויבא שלמה את קדשי דויד אביו ואת הכסף ואת הזהב ואת כל הכלים נתן באצרות בית האלהים׃

דברי הימים ב 5:2 (HEB)
Square Portrait Landscape 4K UHD
אז יקהיל שלמה את זקני ישראל ואת כל ראשי המטות נשיאי האבות לבני ישראל אל ירושלם להעלות את ארון ברית יהוה מעיר דויד היא ציון׃

דברי הימים ב 5:3 (HEB)
Square Portrait Landscape 4K UHD
ויקהלו אל המלך כל איש ישראל בחג הוא החדש השבעי׃

דברי הימים ב 5:4 (HEB)
Square Portrait Landscape 4K UHD
ויבאו כל זקני ישראל וישאו הלוים את הארון׃

דברי הימים ב 5:5 (HEB)
Square Portrait Landscape 4K UHD
ויעלו את הארון ואת אהל מועד ואת כל כלי הקדש אשר באהל העלו אתם הכהנים הלוים׃

דברי הימים ב 5:6 (HEB)
Square Portrait Landscape 4K UHD
והמלך שלמה וכל עדת ישראל הנועדים עליו לפני הארון מזבחים צאן ובקר אשר לא יספרו ולא ימנו מרב׃

דברי הימים ב 5:7 (HEB)
Square Portrait Landscape 4K UHD
ויביאו הכהנים את ארון ברית יהוה אל מקומו אל דביר הבית אל קדש הקדשים אל תחת כנפי הכרובים׃

דברי הימים ב 5:8 (HEB)
Square Portrait Landscape 4K UHD
ויהיו הכרובים פרשים כנפים על מקום הארון ויכסו הכרובים על הארון ועל בדיו מלמעלה׃

דברי הימים ב 5:9 (HEB)
Square Portrait Landscape 4K UHD
ויאריכו הבדים ויראו ראשי הבדים מן הארון על פני הדביר ולא יראו החוצה ויהי שם עד היום הזה׃

דברי הימים ב 5:10 (HEB)
Square Portrait Landscape 4K UHD
אין בארון רק שני הלחות אשר נתן משה בחרב אשר כרת יהוה עם בני ישראל בצאתם ממצרים׃

דברי הימים ב 5:11 (HEB)
Square Portrait Landscape 4K UHD
ויהי בצאת הכהנים מן הקדש כי כל הכהנים הנמצאים התקדשו אין לשמור למחלקות׃

דברי הימים ב 5:12 (HEB)
Square Portrait Landscape 4K UHD
והלוים המשררים לכלם לאסף להימן לידתון ולבניהם ולאחיהם מלבשים בוץ במצלתים ובנבלים וכנרות עמדים מזרח למזבח ועמהם כהנים למאה ועשרים מחצררים בחצצרות׃

דברי הימים ב 5:13 (HEB)
Square Portrait Landscape 4K UHD
ויהי כאחד למחצצרים ולמשררים להשמיע קול אחד להלל ולהדות ליהוה וכהרים קול בחצצרות ובמצלתים ובכלי השיר ובהלל ליהוה כי טוב כי לעולם חסדו והבית מלא ענן בית יהוה׃