מלכים ב 7 Bible Images - מלכים ב Chapter 7 HEB Bible Verse Pictures

מלכים ב Chapter 7 HEB Bible Verse Images

מלכים ב 7 Bible Verse Pictures. Choose from a large collection of inspirational, motivational and encouraging Bible verses with pictures of nature. Download and share מלכים ב 7 inspirational Bible verse images. Bible verse pictures were created based on verses from The Holy Bible in Modern Hebrew (HEB). The Hebrew Bible translation is available in the Public Domain. The publication date and copyright details are not known. (תנ ך עברי מודרני)

« מלכים ב 6 (HEB)

מלכים ב 8 (HEB) »

מלכים ב 7:1 (HEB)
Square Portrait Landscape 4K UHD
ויאמר אלישע שמעו דבר יהוה כה אמר יהוה כעת מחר סאה סלת בשקל וסאתים שערים בשקל בשער שמרון׃

מלכים ב 7:2 (HEB)
Square Portrait Landscape 4K UHD
ויען השליש אשר למלך נשען על ידו את איש האלהים ויאמר הנה יהוה עשה ארבות בשמים היהיה הדבר הזה ויאמר הנכה ראה בעיניך ומשם לא תאכל׃

מלכים ב 7:3 (HEB)
Square Portrait Landscape 4K UHD
וארבעה אנשים היו מצרעים פתח השער ויאמרו איש אל רעהו מה אנחנו ישבים פה עד מתנו׃

מלכים ב 7:4 (HEB)
Square Portrait Landscape 4K UHD
אם אמרנו נבוא העיר והרעב בעיר ומתנו שם ואם ישבנו פה ומתנו ועתה לכו ונפלה אל מחנה ארם אם יחינו נחיה ואם ימיתנו ומתנו׃

מלכים ב 7:5 (HEB)
Square Portrait Landscape 4K UHD
ויקומו בנשף לבוא אל מחנה ארם ויבאו עד קצה מחנה ארם והנה אין שם איש׃

מלכים ב 7:6 (HEB)
Square Portrait Landscape 4K UHD
ואדני השמיע את מחנה ארם קול רכב קול סוס קול חיל גדול ויאמרו איש אל אחיו הנה שכר עלינו מלך ישראל את מלכי החתים ואת מלכי מצרים לבוא עלינו׃

מלכים ב 7:7 (HEB)
Square Portrait Landscape 4K UHD
ויקומו וינוסו בנשף ויעזבו את אהליהם ואת סוסיהם ואת חמריהם המחנה כאשר היא וינסו אל נפשם׃

מלכים ב 7:8 (HEB)
Square Portrait Landscape 4K UHD
ויבאו המצרעים האלה עד קצה המחנה ויבאו אל אהל אחד ויאכלו וישתו וישאו משם כסף וזהב ובגדים וילכו ויטמנו וישבו ויבאו אל אהל אחר וישאו משם וילכו ויטמנו׃

מלכים ב 7:9 (HEB)
Square Portrait Landscape 4K UHD
ויאמרו איש אל רעהו לא כן אנחנו עשים היום הזה יום בשרה הוא ואנחנו מחשים וחכינו עד אור הבקר ומצאנו עוון ועתה לכו ונבאה ונגידה בית המלך׃

מלכים ב 7:10 (HEB)
Square Portrait Landscape 4K UHD
ויבאו ויקראו אל שער העיר ויגידו להם לאמר באנו אל מחנה ארם והנה אין שם איש וקול אדם כי אם הסוס אסור והחמור אסור ואהלים כאשר המה׃

מלכים ב 7:11 (HEB)
Square Portrait Landscape 4K UHD
ויקרא השערים ויגידו בית המלך פנימה׃

מלכים ב 7:12 (HEB)
Square Portrait Landscape 4K UHD
ויקם המלך לילה ויאמר אל עבדיו אגידה נא לכם את אשר עשו לנו ארם ידעו כי רעבים אנחנו ויצאו מן המחנה להחבה בהשדה לאמר כי יצאו מן העיר ונתפשם חיים ואל העיר נבא׃

מלכים ב 7:13 (HEB)
Square Portrait Landscape 4K UHD
ויען אחד מעבדיו ויאמר ויקחו נא חמשה מן הסוסים הנשארים אשר נשארו בה הנם ככל ההמון ישראל אשר נשארו בה הנם ככל המון ישראל אשר תמו ונשלחה ונראה׃

מלכים ב 7:14 (HEB)
Square Portrait Landscape 4K UHD
ויקחו שני רכב סוסים וישלח המלך אחרי מחנה ארם לאמר לכו וראו׃

מלכים ב 7:15 (HEB)
Square Portrait Landscape 4K UHD
וילכו אחריהם עד הירדן והנה כל הדרך מלאה בגדים וכלים אשר השליכו ארם בהחפזם וישבו המלאכים ויגדו למלך׃

מלכים ב 7:16 (HEB)
Square Portrait Landscape 4K UHD
ויצא העם ויבזו את מחנה ארם ויהי סאה סלת בשקל וסאתים שערים בשקל כדבר יהוה׃

מלכים ב 7:17 (HEB)
Square Portrait Landscape 4K UHD
והמלך הפקיד את השליש אשר נשען על ידו על השער וירמסהו העם בשער וימת כאשר דבר איש האלהים אשר דבר ברדת המלך אליו׃

מלכים ב 7:18 (HEB)
Square Portrait Landscape 4K UHD
ויהי כדבר איש האלהים אל המלך לאמר סאתים שערים בשקל וסאה סלת בשקל יהיה כעת מחר בשער שמרון׃

מלכים ב 7:19 (HEB)
Square Portrait Landscape 4K UHD
ויען השליש את איש האלהים ויאמר והנה יהוה עשה ארבות בשמים היהיה כדבר הזה ויאמר הנך ראה בעיניך ומשם לא תאכל׃